Abduvasikov Abduaziz Abdulazizovich
Abduvasikov Abduaziz Abdulazizovich — 1999–2001 yillarda Toshkent davlat agrar universitetida magistratura bosqichini tamomlagan. 2001–2004 yillarda ushbu oliygohda aspiranturada tahsil olgan.
Mehnat faoliyatini 2005-yilda Toshkent davlat agrar universitetining “Fermer xo‘jaliklari va boshqa qishloq xo‘jaligi korxonalari iqtisodiyoti va ularni boshqarish” kafedrasida assistent lavozimidan boshlagan.
2005–2009 yillarda “Qishloq xo‘jaligi ishlab chiqarishi iqtisodiyoti va uni tashkil etish” fakultetida dekan muovini, 2009–2010 yillarda esa “Fermer xo‘jaligini boshqarish” fakulteti dekani lavozimlarida faoliyat yuritgan.
2010–2016 yillar oralig‘ida Toshkent davlat agrar universitetida Ma’naviyat va ma’rifat ishlari bo‘yicha prorektor lavozimida ishlagan. 2016–2018 yillarda Andijon qishloq xo‘jalik institutiga rektor etib tayinlangan.
2018–2019 yillarda Toshkent davlat agrar universitetining Andijon filialiga direktorlik qilgan. 2019–2021 yillarda Toshkent davlat agrar universitetida Xalqaro hamkorlik masalalari bo‘yicha prorektor, 2021–2023 yillarda esa Moliya-iqtisod ishlari bo‘yicha prorektor lavozimlarida ishlagan.
2023-yildan hozirgi kungacha Toshkent davlat agrar universitetining Xalqaro hamkorlik, transformatsiya va strategik rivojlanish bo‘yicha prorektori lavozimida faoliyat olib bormoqda.
