Toshkent davlat agrar universitetida 2025–2026 o‘quv yili doirasida talabalarning osoyishta va xavfsiz hayotini ta’minlash, huquqbuzarliklarning oldini olishga qaratilgan “QALQON” jamoatchilik guruhi ish boshladi. Guruh muntazam tungi profilaktik reydlar o‘tkazib, tushuntirish va tarbiyaviy suhbatlar orqali tartib-intizomni mustahkamlashga hissa qo‘shmoqda. Jarayonlarda yoshlar yetakchisi S.Muhammadaminov hamda “Harbiy vatanparvarlik loyihalari” koordinatori, guruh rahbari I.Murodullayev jamoa a’zolariga zarur ko‘rsatmalar berib, intizomning ahamiyati yuzasidan batafsil tushuntirishlar o‘tkazdilar. “QALQON” – bu nafaqat jamoa, balki xavfsizlik, mas’uliyat va fidoyilik timsoli. Ularning sa’y-harakatlari tufayli universitet hududida osoyishtalik va tinchlik yanada mustahkamlanmoqda, talabalarga o‘z bilim va iqtidorlarini yanada erkin rivojlantirish uchun qulay sharoit yaratilmoqda.
Hurmatli talabalar! Siz ham “QALQON” bilan birga bo‘ling, tartib va osoyishtalikni birgalikda ta’minlash – barchamizning vazifamiz!