Toshkent davlat agrar universitetida 18-noyabr — O‘zbekiston Respublikasi Davlat bayrog‘i qabul qilingan kun munosabati bilan “Bir Vatan, bir el, bir bayroq” shiori ostida tadbirlar o‘tkazildi.

Ushbu sana doirasida fakultetlarda ma’naviy-ma’rifiy uchrashuvlar, davra suhbatlari hamda talabalar o‘rtasida bilimga undovchi zakovatlar tashkil etildi. Tadbirlarda talabalar bilan bir qatorda professor-o‘qituvchilar ham faol ishtirok etib, Davlat bayrog‘ining yaratilish tarixi, uning ramziy ma’nosi va yoshlar ongida milliy g‘ururni shakllantirishdagi o‘rni haqida o‘z fikr-mulohazalarini bildirdilar. Tadbirlar davomida yoshlarda Vatanga sadoqat, davlat ramzlariga hurmat va fuqarolik mas’uliyati tuyg‘ularini mustahkamlashga qaratilgan tashabbuslar qo‘llab-quvvatlandi.