Tadbirni universitetning Yoshlar masalalari va ma’naviy-ma’rifiy ishlar bo‘yicha birinchi prorektori J. Lapasov kirish so‘zi bilan ochib, mazkur yo‘nalishda amalga oshirilayotgan ma’rifiy ishlarning ahamiyatini alohida ta’kidladi. Shundan so‘ng Ichki ishlar vazirligi Akademiyasi magistratura tinglovchisi, podpolkovnik D. Ixvoldinov tomonidan ma’ruza qilindi. U o‘z chiqishida: “Oldimizda ikki yo‘l bor — biri ma’rifat, biri jaholat. To‘g‘ri yo‘lni tanlash esa har bir insonning o‘ziga bog‘liq”, deya ta’kidladi.
Tadbir davomida talaba-yoshlarga giyohvandlik va psixotrop moddalarning noqonuniy savdosi, diniy-ekstremistik oqimlarga aldanib kirib qolishning oqibatlari, bu jarayonlarning jamiyat va shaxs hayotiga yetkazadigan zararli ta’siri haqida batafsil ma’lumot berildi. Ularning salbiy oqibatlari real hayot misollarida yoritilgan videoroliklar namoyishi orqali yanada tushunarli tarzda bayon etildi. Shuningdek, bu kabi noqonuniy harakatlar uchun belgilangan jinoiy javobgarliklar ham atroflicha tushuntirib o‘tildi.
Ijtimoiy tarmoqlar:
Shuningdek o'qing
