Universitetimiz vakillari Xitoy Xalq Respublikasida bo‘lib o‘tgan “Universitet xodimlarining raqamli salohiyatini oshirish va ta’lim” mavzusidagi bir haftalik xalqaro o‘quv-trening dasturida ishtirok etdilar.

Toshkent davlat agrar universitetining O‘simliklar himoyasi, agrokimyo va tuproqshunoslik kafedrasi professor-o‘qituvchilari S. Avazov, N. Xakimova, R. Sattarova va Z. Yuldashova Xitoy Xalq Respublikasida bo‘lib o‘tgan “Universitet xodimlarining raqamli salohiyatini oshirish va ta’lim” mavzusidagi bir haftalik xalqaro o‘quv-trening dasturida ishtirok etdilar.
Mazkur xalqaro trening dasturi oliy ta’lim muassasalari professor-o‘qituvchilarining raqamli kompetensiyalarini rivojlantirish, zamonaviy ta’lim texnologiyalarini o‘quv jarayoniga joriy etish hamda xalqaro tajriba almashinuvini kuchaytirishga qaratilgan.
Trening davomida ishtirokchilar raqamli ta’lim platformalaridan samarali foydalanish, innovatsion pedagogik yondashuvlar, masofaviy ta’lim imkoniyatlari hamda ta’lim jarayonini raqamlashtirish bo‘yicha ilg‘or tajribalar bilan tanishdilar.