Toshkent davlat agrar universitetining 20 dan ortiq talabalari Buxoro davlat universitetida o’tkazilayotgan xalqaro olimpiadalarda faol ishtirok etmoqda

Oʻzbekistonda ilk bor oʻtkazilayotgan mazkur nufuzli olimpiadalar 10 dan ortiq xorijiy davlat vakillari bir maydonga jamlamoqda. Xususan, Ozarbayjon, Hindiston, Iordaniya, Pokiston, Rossiya, Tojikiston, Turkmaniston, Xitoy va Oʻzbekistondan kelgan talabalardan iborat 100 dan ortiq jamoa, jami 500 nafardan ziyod ishtirokchi olimpiada jarayonlarida qatnashmoqda. Shuningdek, tadbirda 10 dan ortiq xorijiy oliy taʼlim muassasalari hamda mamlakatimizdagi 50 dan ziyod OTM vakillari ishtirok etadi.