Toshkent viloyatida baliqchilik va sholichilik yo‘nalishida faoliyat yuritayotgan rahbar hamda mutaxassislar uchun bir haftalik (36 soatlik) malaka oshirish kurslari boshlandi. Kurslarning ochilishiga bag‘ishlangan yig‘ilish universitet O‘quv ishlari bo‘yicha prorektori S. Boboyev boshchiligida o‘tkazildi. Tadbirda Toshkent viloyati hokimligining qishloq va suv xujaligi masalalari buyicha kotibiyati mutaxassisi Sh.Narimboyev va sholichilik ilmiy tadqiqot instituti vakili A.Mansurov ham ishtirok etib, sohada zamonaviy bilim va ko‘nikmalarni shakllantirish, mahsulot yetishtirish jarayonlarini ilmiy asosda tashkil etish, ilg‘or texnika va texnologiyalarni amaliyotga keng joriy etish masalalari haqida gapirdi. Shuningdek, tarmoqda samaradorlikni oshirish, oziq-ovqat mahsulotlari yetishtirish hajmi va sifatini yuksaltirish, mutaxassislarning kasbiy salohiyatini mustahkamlash bugungi kunning dolzarb vazifalaridan ekani ta’kidlandi.
Kurslar davomida tinglovchilar baliqchilik va sholichilikda ishlab chiqarishni samarali tashkil etish, zamonaviy agrotexnologiyalarni qo‘llash hamda ilg‘or tajribalarni amaliyotga tatbiq etish bo‘yicha bilim va ko‘nikmalarini mustahkamlaydilar.
Ijtimoiy tarmoqlar:
Shuningdek o'qing
