Toshkent davlat agrar universitetida nazariya va amaliyot integratsiyasini ta’minlash, talabalarning kasbiy ko‘nikmalarini bevosita ishlab chiqarish korxonalarida mustahkamlash borasidagi amaliy ishlar davom etmoqda.
Universitetning O‘rmon xo‘jaligi va landshaft dizayn fakulteti, "Dorivor o‘simliklarni yetishtirish va qayta ishlash" ta’lim yo‘nalishi 3-bosqich 23-70-guruh talabalari ishlab chiqarish amaliyotlarini boshladilar.
Fakultet professor-o‘qituvchilari F.Mardonov hamda G.Sultanova rahbarligida tashkil etilgan ushbu amaliyot jarayonlari “Samo”, “Gerbo farm” hamda "Sevara, Orzu" MChJ tashkilotlarida bo‘lib o‘tmoqda.
Mazkur ishlab chiqarish amaliyoti talabalarning auditoriyada olgan nazariy bilimlarini real ish jarayoni bilan uyg‘unlashtirishga, zamonaviy texnologiyalarni o‘rganishga hamda talabalarda kasbiy kompetensiyalarni shakllantirishga xizmat qilmoqda.
Ijtimoiy tarmoqlar:
