O‘zbekiston Respublikasi davlat mustaqilligining 35 yilligi munosabati bilan Toshkent davlat agrar universitetida I bosqich talaba-yoshlari o‘rtasida ommaviy sport musobaqalari bo‘lib o‘tmoqda. Musobaqalar sportning mini-futbol, stol tennisi va voleybol turlari bo‘yicha tashkil etilmoqda.
Mini-futbol bahslari O‘zbekiston Futbol assotsiatsiyasi tomonidan tasdiqlangan amaldagi musobaqa qoidalari asosida o‘tkazilmoqda. Har bir jamoa tarkibida 8 nafar ishtirokchi — 5 nafar asosiy va 3 nafar zaxira o‘yinchisi, shuningdek, murabbiy hamda jamoa rahbari ishtirok etmoqda. Stol tennisi musobaqalari O‘zbekiston Stol tennisi federatsiyasining amaldagi qoidalari asosida tashkil etilib, jamoalar tarkibida 2 nafar o‘g‘il va 2 nafar qiz talaba qatnashmoqda.
Voleybol bahslari esa O‘zbekiston Voleybol federatsiyasining amaldagi qoidalari asosida, olimpiya tizimida o‘tkazilmoqda. Musobaqalarda o‘g‘il-qiz talabalardan tarkib topgan jamoalar o‘zaro bellashmoqda.our Heading
Ayni paytda sport maydonlarida murosasiz va qizg‘in bahslar davom etmoqda. Talabalar o‘z jamoalarining munosib natija qayd etishi uchun bor kuch va mahoratlarini namoyon etmoqda.
Ijtimoiy tarmoqlar:
