Qo‘shma ta’lim dasturlarini tashkil etish bo’limi

QABUL BOSHLANDI

Hurmatli abituriyentlar!

Siz hayotingizdagi eng muhim qarorlardan birini – oliy taʼlim muassasasini tanlash arafasidasiz. Bu yo‘lda to‘g‘ri va ishonchli tanlov qilish kelajakdagi imkoniyatlaringizga bevosita taʼsir qiladi. Sizni universitetimizdagi Qo‘shma taʼlim dasturlari tashkil etish bo‘limi sahifasida ko‘rib turganimdan xursandman.

Bizning bo‘lim faoliyati – sizga nafaqat sifatli taʼlim berish, balki xalqaro darajadagi diplomga ega bo‘lish imkoniyatini yaratishdir. Qo‘shma taʼlim dasturlari orqali siz bir vaqtning o‘zida ikkita – mahalliy va xorijiy oliy taʼlim muassasasining diplomini qo‘lga kiritishingiz, o‘qish jarayonida xorijda tahsil olish, yangi tillar va madaniyatlarni o‘rganish imkoniga ega bo‘lasiz.

Biz siz uchun xorijiy universitetlar bilan hamkorlikda zamonaviy, amaliyotga yo‘naltirilgan va xalqaro talablar asosida ishlab chiqilgan o‘quv dasturlarini taklif qilamiz. Taʼlim jarayoni davomida siz xalqaro tajribaga ega professor-o‘qituvchilardan saboq olib, o‘z kasbiy yo‘nalishingizda mustahkam poydevor yaratasiz.

Agar siz orzularingiz sari ishonch bilan qadam qo‘yishga tayyor bo‘lsangiz, biz sizga bu yo‘lda ishonchli hamroh bo‘lamiz. Qo‘shma taʼlim dasturlari – bu sizning global dunyoga ochilgan eshigingizdir.

Yangi imkoniyatlar, baland cho’qqilar va yorqin kelajak sizni kutmoqda!