Toshkent davlat agrar universiteti olimlari O‘zbekiston Respublikasi Prezidentining PQ–135-son qarori ijrosi doirasida Sirdaryo viloyati Boyovut tumanidagi 6-umumta’lim maktabida bo'lib, o‘quvchilar uchun mahorat darslari va amaliy mashg‘ulotlar tashkil etdi. Mahorat darslarida TDAU Tabiiy fanlar kafedrasi dotsenti Foziljon Saitqulov tomonidan o‘quvchilarga mahorat darsi o‘tkazilib, fanlarni chuqur o‘rganish va ilmiy izlanishlarga qiziqishni oshirishga alohida e’tibor qaratildi.
Kafedraning katta o‘qituvchisi Avaz Islomov botanika fanidan dala amaliyotini tashkil etib, o‘quvchilarni o‘simliklar dunyosi, ularning tuzilishi va tabiatdagi ahamiyati bilan yaqindan tanishtirdi. Shuningdek, kimyogar To‘raqul Eshboboyev tomonidan qiziqarli kimyoviy tajribalar namoyish etildi. Jonli tajribalar o‘quvchilarda katta qiziqish uyg‘otib, kimyo fanining amaliy imkoniyatlarini yanada yaxshiroq anglashga yordam berdi. Mazkur mashg'ulotlardan ko‘zlangan asosiy maqsad — maktab o‘quvchilarining tabiiy fanlarga bo‘lgan qiziqishini oshirish, ularning ilmiy dunyoqarashini kengaytirish hamda nazariy bilimlarni amaliy mashg‘ulotlar bilan mustahkamlashdan iborat bo'ldi.
Ijtimoiy tarmoqlar:
