Bugun viloyat hokimi Zoyir Mirzayev boshchiligida viloyat faollari, nuroniylar, xalq deputatlari, harbiy tuzilmalar va huquq-tartibot idoralari vakillari, boshqarma va tashkilotlar rahbarlari, keng jamoatchilik hamda yoshlar ishtirokida Nurafshon shahri markazida joylashgan, matonat va vatanparvarlik ramziga aylangan o‘zbek ayoli — Zulfiya aya Zokirova yodgorlik majmuasi poyiga gul qo‘yish marosimi bo‘lib o‘tdi. Ushbu tadbirda universitetimiz rektori N.Oblomuradov boshchiligida faxriy professor-o’qituvchilar va yoshlardan iborat jamoa ham faol ishtirok etib, majmua poyiga gul qo’yishdi. Marosim O‘zbekiston Respublikasi Davlat madhiyasi sadosi ostida boshlandi. Faxriy qorovul saf tortdi. Harbiy orkestr ijrosidagi tantanali kuylar ostida yig‘ilganlar Vatanimiz ozodligi va tinchligi yo‘lida jon fido qilgan mard o‘g‘lonlar xotirasiga chuqur hurmat bajo keltirdilar.
Shundan so‘ng tadbir ishtirokchilari “Vatanparvar bog‘i”da namoyish etilgan harbiy texnika va eksponatlar bilan yaqindan tanishdilar.
Ijtimoiy tarmoqlar:
Shuningdek o'qing
