Uchrashuvda rus tilini yaxshi biladigan hamda Toshkent davlat agrar universitetining III-bosqichida tahsil olayotgan 50 dan ortiq talaba ishtirok etdi. Tadbir davomida talabalar Polshada o‘tadigan amaliyot dasturining shartlari, imkoniyatlari, saralash jarayoni va xalqaro tajriba orttirish bo‘yicha batafsil ma’lumotlarga ega bo‘lishdi. Shuningdek, uchrashuv yakunida Toshkent davlat agrar universitetining 100 dan ortiq talabasi Polshaning Green Crops kompaniyasi va Krakov Qishloq xo‘jaligi universiteti vakillari tomonidan munosib taqdirlandi. Marosimda talabalarning faol ishtiroki, bilim va yutuqlari alohida e’tirof etildi.
Uchrashuv talabalar uchun xorijiy tajriba orttirish, malaka oshirish va kelajakda xalqaro mehnat bozorida o‘z o‘rnini topish uchun muhim imkoniyat yaratdi.
Ijtimoiy tarmoqlar:
Shuningdek o'qing
