Toshkent davlat agrar universiteti vakillari Qirg‘izistonning Bishkek shahrida Germaniyaning Xalqaro hamkorlik bo‘yicha jamiyati (GIZ) tomonidan tashkil etilgan “Markaziy Osiyoda iqtisodiy o‘sish sohalari uchun kasbiy ta’lim” (PECA) mintaqaviy loyihasining yakuniy kanferensiyada ishtirok etdi.

Konferensiyada Qozog‘iston, Qirg‘iziston, Tojikiston va O‘zbekiston davlatlarining ta’lim va mehnat vazirliklari, xalqaro tashkilotlar, ta’lim muassasalari hamda xususiy sektor vakillari qatnashdi. Tadbir davomida PECA loyihasi doirasida erishilgan yutuqlar, o‘quv dasturlarining mehnat bozori ehtiyojlariga moslashtirilgani, qisqa muddatli kurslarning joriy etilgani, normativ-huquqiy bazani takomillashtirishga ko‘maklashilgani, mintaqaviy hamkorlik mustahkamlangani ta’kidlandi.