Toshkent davlat agrar universitetida Germaniyaning DEULA Nienburg ta’lim va malaka oshirish markazining Sharqiy Yevropa va Markaziy Osiyo bo‘yicha rahbari Aleksandr Jarov bilan uchrashuv bo‘lib o‘tdi

Uchrashuv davomida Aleksandr Jarov DEULA Nienburg markazining tarixi, faoliyati va asosiy yo‘nalishlari haqida taqdimot qildi. U Markaz 1926 yilda Germaniyada tashkil etilgani va bugungi kunda amaliy ta’lim berish bo‘yicha yetakchi muassasalardan biri sifatida tan olinganini ta’kidladi. Ma’lumotlarga ko‘ra, DEULA Nienburg markazi quyidagi yo‘nalishlarda malakali mutaxassislar tayyorlab keladi:
• qishloq xo‘jaligi texnikalarini boshqarish va servis xizmati;
• agrotexnologiya va agronomiya;
• bog‘dorchilik va landshaft xo‘jaligi;
• o‘rmon xo‘jaligi va texnik xavfsizlik;
• sug‘orish tizimlari va tuproq parvarishi;
• zamonaviy agromashinalarda amaliy tayyorgarlik.
Uchrashuvda universitetda amaliy ta’limni kuchaytirish, DEULA mutaxassislari ishtirokida qo‘shma kurslar tashkil etish, kadrlar malakasini oshirish hamda o‘zaro tajriba almashish masalalari muhokama qilindi.