Toshkent davlat agrar universitetining 95 yilligi munosabati bilan O‘zbekiston Qahramoni A. Eshmatov hamda Sirdaryo viloyati “Navbahor” MFY raisi J.Rahmonovlar tomonidan O‘rmon xo‘jaligi va Landshaft dizayn fakulteti talabalariga mahorat darsi o‘tkazildi

Tadbir davomida nafaqat amaliy bilimlar, balki hayotiy maslahatlar va motivatsion fikrlar ham berildi. Bitiruvchilar uchun bu dars kelajakda o‘z yo‘llarini belgilash, kasbiy mahoratni oshirish va yangi cho‘qqilarga erishish imkoniyatini yaratdi. A. Eshmatov yoshlarga shunday ta’kidlab o‘tdi: “Har biringizning bilim va mehnatingiz vatanga xizmat qiladi. Kelajakdagi muvaffaqiyatlaringiz faqat ilm va iroda bilan chegaralanadi. O‘z orzularingizga intiling, hech qachon to‘xtamang!”