103 nafar talaba 15 kun davomida Toshkent botanika bog‘i, Akademik M. Mirzayev nomidagi ilmiy-tadqiqot instituti hamda Toshkent davlat agrar universitetining óquv-ilmiy tajriba xo‘jaligida dala sharoitida amaliy mashg‘ulotlar olib bordi. Talabalar 5 guruhga bo‘linib, o‘ziga biriktirilgan dala maydonlarida 40 dan ortiq o‘simlik kasalligini aniqlab, ularni chuqur o‘rgandi. Tajribalarga kòra eng ko‘p uchragan kasalliklar alternarioz (pomidor, kartoshka),fuzarioz va ildiz chirishi (bug‘doy, sabzavot ekinlari), Zang kasalliklari (g‘o‘za, donli ekinlar), Mo‘g‘orlar va bakterial dog‘lar (poliz va sabzavotlar) deb aniqlandi.
Har bir guruh o‘z dalasidan olingan namunalarni laboratoriyada mikroskopik tahlildan o‘tkazib, kasalliklarning zamburug‘li, bakterial yoki virusli kelib chiqishini aniqladi. 100 dan ortiq namunalar o‘rganildi. Eng faol va ijodiy yondashgan 15 nafar talaba faxriy yorliq va sertifikat bilan taqdirlandi.
Ijtimoiy tarmoqlar:
