Toshkent davlat agrar universitetining 95 yillik yubileyi oldidan tayyorgarlik ishlari davom etmoqda. Bugun universitetimizda xashar ko‘tarinki kayfiyatda bo‘lib o‘tmoqda! Jarayon davomida o‘quv binolari, Axborot-resurs markazi, sport majmuasi va talabalar turar joylari atrofida obodlashtirish ishlari avjida. Daraxtlarga shakl berilmoqda, yangi ko‘chatlar ekilmoqda, hududlar tartibga keltirilmoqda. Hasharda fakultet dekanlari, ularning o‘rinbosarlari, tyutorlar, texnik-xo‘jalik bo‘limi xodimlari hamda ishchi jamoa ko‘ngilli talaba yoshlar bilan bir qatorda faol ishtirok etib, birlik va mehnatsevarlik namunasi ko‘rsatmoqda.
Shuningdek, xashar ishtirokchilari uchun osh tayyorlanmoqda, bu esa jarayonga yanada iliqlik va bayramona kayfiyat bag‘ishlamoqda.
Ijtimoiy tarmoqlar:
Shuningdek o'qing
