5–7 may kunlari e’lon qilingan “Aholini zilzilaga tayyorlash haftaligi” doirasida Toshkent davlat agrar universitetida seminar-trening tashkil etildi. Mazkur tadbir Fuqaro va mehnat muhofazasi bo‘limi tashabbusi bilan, Toshkent viloyati Qibray tumani Favqulodda vaziyatlar bo‘limi boshlig‘i F.Soatov, Chirchiq hayot faoliyati xavfsizligi o‘quv markazi boshlig‘i X.Aglayev hamda Qibray tumani nuroniylar kengashi a’zosi X.Arifjonovlar hamkorligida o‘tkazildi. Seminarda professor-o‘qituvchilar va talabalar ishtirok etib, zilzilaga tayyorgarlik, favqulodda holatlarda to‘g‘ri harakat qilish, xavfsizlik choralarini bilish bo‘yicha muhim ma’lumotlarga ega bo‘lishdi. Tadbir yakunida talabalar o‘zlarini qiziqtirgan savollarga batafsil javob oldilar
