О‘simliklar himoyasi, agrokimyo va tuproqshunoslik fakulteti

O‘simliklar himoyasi, agrokimyo va tuproqshunoslik fakulteti professor-o‘qituvchilari fundamental va amaliy tadqiqotlar bilan shug‘ullanuvchi ilmiy-tadqiqot institutlari, davlat va tijorat tuzilmalari bilan yaqin aloqada ishlaydigan amaliyotchi olimlardir. Shuningdek, fakultet professor-o‘qituvchilari davlat grantlarining rahbarlari va ijrochilari bo‘lib, xalqaro loyihalarda ham ishtirok etadilar. O‘quv jarayonida talabalarning mustaqil ilmiy ishlariga katta e’tibor qaratiladi, fakultetda talabalar ilmiy to‘garaklar faoliyat ko‘rsatadi.

Bakalavrni tugatgandan so‘ng, bitiruvchilar magistraturada o‘qishni davom ettirish imkoniyatiga egadirlar, boshqa oliy o‘quv yurtlari bitiruvchilarini “Аgrokimyo”, “Tuproqshunoslik”, “Agrotuproqshunoslik va agrofizika”, “Yerni masofadan zondlash GAT-texnologiya”, “Yer resurslaridan foydalanish va boshqarish”, “O‘simliklar himoyasi va karantini”, “Entomologiya”, “Fitopatologiya” dasturlari bo‘yicha magistraturaga o‘qishga qabul qilinadi.

Talabalar o‘qish davomida zamonaviy agrotexnologiyalar, o‘simliklarni kasallik, zararkunanda va begona o‘tlardan himoya qilish, tuproqni o‘simliklarning yashash muhiti sifatida, uning xususiyatlari va unumdorligini oshirish hamda o‘simliklarning oziqlanishi, hosildorlikni oshirish uchun o‘g‘itlardan foydalanishni o‘rganadi.

O‘simliklar himoyasi, agrokimyo va tuproqshunoslik fakultetning tarixi 1950-yilga borib taqaladi. Ayni paytda fakultetda 3 ta kafedra mavjud bo‘lib, fakultet bugungi kunga kelib nafaqat o‘z sohasining ilg‘or mutaxassislarini tayyorlabgina qolmay, balki qishloq xo‘jaligining yuksalishiga munosib hissa qo‘shmoqda.

Fakultet tarkibida quyidagi kafedralar faoliyat yuritadi:

• Agrokimyo va tuproqshunoslik
• O‘simliklarni himoyasi va karantini
• Qishloq xo‘jaligi fitopatologiyasi

Fakultet tarkibida:

• 17 nafar fan doktori,
• 51 nafar fan nomzodi,
• 23 dan ortiq professor-o‘qituvchi faoliyat yuritmoqda.

Ularning sa’y-harakatlari natijasida shu kungacha O‘zbek davlat yer tuzish ilmiy-loyihalsh instituti “O‘ZDAVYERLOYIHA” DUK, Respublika Agrokimyo tahlil markazi, Tuproq tarkibi va repozitoriyasi, sifati tahlil markazi DUK, Tuproqshunoslik va agrokimyo ilmiy-tadqiqot instituti, O‘simliklar karantini va himoyasi ilmiy-tadqiqot instituti, O‘zbekiston Respublikasi Fanlar akademiyasi Genetika va o‘simliklar ekisperemental biologiyasi instituti, Akademik M.Mirzayev nomidagi bog‘dorchilik, uzumchilik va vinochilik ilmiy-tadqiqot institute, Sabzavot, poliz ekinlari va kartoshkachilik ilmiy-tadqiqot instituti, O‘simliklar karantini va himoyasi agentligi kabi tashkilotlarda fakultet bitiruvchilari mutaxassis sifatida o‘z faoliyatini yo‘lga qo‘yishgan.

Ushbu fakultetda ta’lim olish yashil kelajakni yaratish yo‘lida ishonchli qadamdir!