Toshkent davlat agrar universiteti professor-o‘qituvchilari I.Namozov va Sh.Valiyeva Janubiy Koreyaning Chungnam Milliy universitetida o‘tayotgan “Mo‘tadil iqlim mintaqasida yetishtiriladigan mevalarning sifatini boshqarish” mavzusidagi o‘quv-amaliy dasturda ishtirok etmoqda. Mazkur tashrif “O‘zbekiston qishloq xo‘jaligida professional kadrlar tayyorlash hamda qishloq xo‘jaligi muhitini yaxshilash va litsenziyalash tizimini joriy etish” loyihasi doirasida amalga oshirilmoqda. Dastur doirasida olimlar olma, nok, shaftoli va uzum kabi mevalarni to‘g‘ri saqlash, qayta ishlash va ularning bozor qiymatini oshirishga qaratilgan ilg‘or texnologiyalar bilan yaqindan tanishmoqda. Zamonaviy laboratoriyalardagi amaliy mashg‘ulotlar esa mevalarni uzoq muddat sifatini saqlagan holda iste’molchiga yetkazish bo‘yicha innovatsion tajribalarni o‘rganish imkonini bermoqda.
Shuningdek o'qing
