Toshkent davlat agrar universitetida 5 yil ish stajiga ega bo‘lgan fuqarolarni bakalavriat ta’lim yo‘nalishlari masofaviy vata kechki ta’lim shakliga yo tabaqalashtirilgan to‘lov-kontrakt asosida o‘qishga qabul qilish bo‘yicha suhbat jarayonlari bo‘lib o‘tdi.

Suhbat davomida talabgorlarning bilim darajasi, kasbiy salohiyati va tanlagan yo‘nalishlariga bo‘lgan qiziqishlari sinovdan o‘tkazildi. Jarayon shaffof va adolatli tarzda, belgilangan tartib-qoidalarga rioya etilgan holda tashkil etildi. Ushbu suhbatlarda iqtisodiyot, buxgalteriya hisobi, axborot tizimlari va texnologiyalari, agronomiya hamda o‘simliklarni karantini va himoyasi yo‘nalishlari bo‘yicha hujjat topshirgan talabgorlar suhbatdan òtkazildi. Ular suhbat davomida o‘z kasbiy faoliyatida orttirgan tajribalari, amaliy bilimlari va kelgusidagi maqsadlari haqida so‘zlab berishdi.