Toshkent davlat agrar universitetida «Korupsiyaga qarshi kurashish haftaligi» doirasida 9-dekabr – Xalqaro korrupsiyaga qarshi kurashish kuni munosabati bilan «Korupsiyaga qarshi kurash – umummilliy vazifa, har bir vatanparvar yurtdoshimizning vijdon ishidir» mavzusidagi davra suhbati o‘tkazildi

Tadbir Yurtboshimizning "Korrupsiya shunday yovuz illatki, u xalqning davlatga, Konstitutsiya va qonunlarga ishonchiga putur yetkazadi, barqaror rivojlanish va xavfsizlik uchun jiddiy tahdidga aylanadi." degan iqtiboslari bilan boshlandi. Va korrupsiyaning jamiyat rivojiga zararli ta’sirini yoritish, talaba va xodimlar o‘rtasida huquqiy madaniyatni oshirish, shaffoflik va halollik tamoyillarini mustahkamlash, korrupsiyaning oldini olish bo‘yicha amaliy mexanizmlarni ishlab chiqish kabi ģoyalar ilgari surildi. Tadbirda Advokatlar palatasi Toshkent shahar hududiy boshqarmasi vakillari Z. Usmonov, S.Pólatov, Chirchiq harbiy prokurori o‘rinbosari, adliya kapitani Sh.Shoakbarov shuningdek, Qibray tumani adliya bo‘limi boshlig‘i, yuridika fanlari dotsenti D.Matrasulov ishtirok etishdi. Tadbir davomida soha mutaxassislari korrupsiyaga qarshi kurashning dolzarb jihatlari, qonunchilikdagi o‘zgarishlar, xususan, Jinoyat kodeksining 210-moddasi bo‘yicha batafsil tushuntirishlar berdilar. Pul oldi-berdisining oldini olish, mansabdor shaxslar zimmasidagi mas’uliyat va uning amaliy jihatlari xususida fikr almashildi. Ishtirokchilar o‘zlarini qiziqtirgan savollar bilan murojaat qilib, mutaxassislardan atroflicha javoblar olishdi.