Toshkent davlat agrar universitetida Saratov davlat yuridik akademiyasi hamda Saratov viloyati bo‘yicha Federal monopoliyaga qarshi xizmat boshqarmasi bilan hamkorlikda “Monopoliyaga qarshi va u bilan bog‘liq qonunchilikni huquqiy tartibga solishni takomillashtirish yo‘nalishlari” mavzusida xalqaro davra suhbati bo‘lib o‘tdi.

Mazkur tadbirda Belarus Respublikasi, Qozog‘iston Respublikasi, Rossiya Federatsiyasi va O‘zbekiston Respublikasi vakillari ishtirok etdilar. Bu esa xalqaro huquqiy hamkorlikning bugungi sharoitdagi ahamiyati va dolzarbligini yana bir bor yaqqol namoyon etdi. Davra suhbati davomida Toshkent davlat agrar universiteti Huquqshunoslik kafedrasi professor-o‘qituvchilari yuridik fanlari doktori, dotsent X.Isanov, katta o‘qituvchi Q.Sadirov, dotsent, kafedra mudiri Sh.Jalolov, katta o‘qituvchi, dotsent N.Umirzakova, o‘qituvchi X.Niyazaliyeva shuningdek, universitetning Xalqaro grantlar bo‘limi boshlig‘i ilmiy ma’ruzalar va tahliliy chiqishlar bilan ishtirok etdilar.