O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik hamda narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF-207-son Farmoni ijrosini ta’minlash maqsadida Toshkent davlat agrar universitetida tizimli va manzilli ishlar amalga oshirilmoqda. Jumladan, TDAU profilaktika inspektori R. Maxmudov hamda Yoshlar ittifoqi boshlang‘ich tashkiloti Harbiy-vatanparvarlik loyihalar koordinatori I. Murodullayev boshchiligida talaba-yoshlar ishtirokida Toshkent viloyati Ohangaron tumanidagi 48-sonli manzil koloniyasiga profilaktik va ma’naviy-ma’rifiy tashrif tashkil etildi. Mazkur tashrif yoshlar orasida sog‘lom turmush tarzini targ‘ib qilish, huquqbuzarlik va zararli illatlarga qarshi ongli immunitetni shakllantirish, shuningdek, harbiy-vatanparvarlik ruhini mustahkamlashga xizmat qildi. Jarayon davomida talabalarga Prezidentimiz Farmonining mazmun-mohiyati, uning jamiyat va yoshlar hayotidagi ahamiyati, huquqiy ong va shaxsiy mas’uliyatni oshirish borasida atroflicha tushunchalar berildi.
Ijtimoiy tarmoqlar:
Shuningdek o'qing
