2025/2026-o‘quv yilining bahorgi semestridan boshlab ikki oliy ta’lim muassasasi o‘rtasida akademik mobillik dasturi doirasida oflayn shakldagi dars jarayonlari yo‘lga qo‘yildi. Mazkur dastur asosida Texnologiya va bioresurslar fakultetining “Standartlashtirish va metrologiya (tarmoqlar bo‘yicha)” ta’lim yo‘nalishi bo‘yicha 1 nafar professor-o‘qituvchi hamda 6 nafar 3-bosqich talabalari universitetimizning “Qishloq xo‘jaligi mahsulotlarini standartlashtirish va sertifikatlash” kafedrasida akademik mobillikni amalga oshirmoqda. Mashg‘ulotlar zamonaviy ilmiy-amaliy yondashuv asosida tashkil etilib, Qishloq xo‘jaligi mahsulotlarini saqlash va qayta ishlash fakultetining ilg‘or laboratoriyalarida amaliy darslar o‘tkazilmoqda. Talabalar zamonaviy uskunalar bilan ishlash, ishlab chiqarish jarayonlarini chuqur anglash va kasbiy ko‘nikmalarini mustahkamlash imkoniga ega bo‘lmoqda. Shuningdek, Zooinjeneriya fakulteti tasarrufidagi laboratoriyalarda yaratilgan shart-sharoitlar bilan yaqindan tanishish ham ular uchun muhim tajriba maktabiga aylanmoqda.
Bunday akademik mobillik aloqalari ikki davlat oliy ta’lim muassasalari o‘rtasidagi ilmiy hamkorlikni yanada mustahkamlab, tajriba almashish va raqobatbardosh, zamonaviy fikrlaydigan mutaxassislar tayyorlashga xizmat qilmoqda.
Ijtimoiy tarmoqlar:
Shuningdek o'qing
