Toshkent davlat agrar universiteti Huquqshunoslik kafedrasi tashabbusi bilan yurisprudensiya yo‘nalishi talabalari uchun Toshkent shahar Mirzo Ulug‘bek tumani adliya bo‘limi mutaxassislari ishtirokida ochiq muloqot tashkil etildi. Kafedra mudiri Sh.R. Jalolov va assistent N. Ashurov boshchiligida o‘tgan ushbu uchrashuv “Huquqiy ong va huquqiy madaniyatni oshirishda mutaxassislar tajribasi” mavzusiga bag‘ishlandi. Adliya bo‘limi xodimlari talabalarga huquqiy ongning jamiyat rivojidagi o‘rni hamda yoshlar o‘rtasida huquqiy savodxonlikni yuksaltirishning zamonaviy usullari haqida so‘zlab berdilar. Davra suhbati savol-javoblarga boy bo‘ldi. Bo‘lajak huquqshunoslar soha mutaxassislaridan o‘zlarini qiziqtirgan savollarga amaliy javoblar olib, nazariy bilimlarini real hayotiy tajribalar bilan boyitishdi.
Ijtimoiy tarmoqlar:
