Toshkent davlat agrar universitetida “Agrokimyo va tuproqshunoslik” kafedrasi professor-o‘qituvchilari va doktorantlari tomonidan universitet hududidagi manzarali daraxtlarni qishki mavsumga tayyorlash maqsadida kuzgi o‘g‘itlash ishlari amalga oshirilmoqda. Kuzgi o‘g‘itlash daraxtlarning oziqa elementlariga bo‘lgan ehtiyojini qoplash, ildiz tizimi faoliyatini yaxshilash va sovuqqa chidamliligini oshirishda muhim ahamiyatga ega. Ushbu jarayonda fosforli, kaliyli hamda organik o‘g‘itlar qo‘llanilmoqda: Fosforli o‘g‘itlar — ildiz tizimining rivojlanishi va qishga tayyorgarlikni yaxshilaydi. Kaliyli o‘g‘itlar — daraxtlarning sovuqqa va noqulay sharoitlarga chidamliligini oshiradi. Organik o‘g‘itlar — tuproqning organik moddalar miqdori va fizik xususiyatlarini yaxshilaydi. Azotli o‘g‘itlar — kuzda manzarali daraxtlarga berish tavsiya etilmaydi. Kuzgi o‘g‘itlash uchun eng maqbul davr odatda sentabr oxiri–oktabr va noyabr oyining boshlari hisoblanadi.
Ijtimoiy tarmoqlar:
