Ilmiy-tadqiqot va innovatsiyalar bo‘limi

Bo‘limning asosiy vazifasi va maqsadi – mamlakat ilm-fani taraqqiyotini yanada rivojlashtirish maqsadida Respublika ustuvor yo‘nalishlari bo‘yicha ilmiy-tadqiqot ishlarini olib borishni yo‘lga qo‘yish va universitet ilmiy salohiyatni yuksaltirishdan iborat.

Bo‘lim o‘z faoliyati davomida quyidagi vazifalarni bajaradi:

• universitet professor-o‘qituvchilari tomonidan kafedralarda olib borilayotgan ilmiy-tadqiqot ishlarini muvofiqlashtirish va ish yurituvchi hujjatlarning to‘g‘ri olib borilishini nazorat qilib borish;
• professor-o‘qituvchilar, tayanch doktorant, doktorant, stajyor-tadqiqotchi, mustaqil izlanuvchi, magistratura va bakalavriat talabalari uchun xalqaro, respublika, universitet miqyosida ilmiy – amaliy anjumanlar, seminar treninglar, master klasslar tashkil qilish;
• professor-o‘qituvchilar, tayanch doktorant, doktorant, stajyor-tadqiqotchi va mustaqil izlanuvchilar tomonidan ilmiy-tadqiqot va ilmiy-texnik ishlanmalarni bajarish va ularning natijalarini amaliyotga joriy etish ishlarida ko‘maklashish;
• tayanch doktorant, doktorant, stajyor-tadqiqotchi va mustaqil izlanuvchilar uchun malakaviy imtihonlarni tashkil etish;
• yosh olimlarni ilmiy yo‘nalishlari bo‘yicha chet el yetakchi oliy ta’lim muassasalari, ilmiy markazlari stajirovka va xizmat safariga yuborishni tashkil qilish;
• bir yilda 4 marta professor-o‘qituvchilarning ilmiy tadqiqot ishlari natijalari bo‘yicha monitoring o‘tkazish.