“Talaba Fest” festivali doirasida talaba-yoshlarning milliy qadriyatlar va gastronomik madaniyatga bo‘lgan qiziqishini namoyon etishga qaratilgan “Eng mazali taomlar” ko‘rgazmasi tashkil etildi.
Ko‘rgazmada oliy ta’lim muassasalari talabalari tomonidan o‘zbek milliy oshxonasi an’analarini aks ettiruvchi turli xil taomlar tayyorlanib, namoyishga qo‘yildi. Jumladan, palov, somsa, manti, norin, shurva va boshqa milliy taomlar o‘ziga xos usulda bezatilib, mehmonlar e’tiboriga havola etildi.
Tadbir davomida ishtirokchilar nafaqat pazandachilik mahoratini namoyish etdilar, balki har bir taomning tarixi, tayyorlanish usuli va milliy madaniyatimizdagi o‘rni haqida ham ma’lumot berdilar.
“Eng mazali taomlar” ko‘rgazmasi festival ishtirokchilari va mehmonlarida katta qiziqish uyg‘otib, milliy oshxonamizning boy an’analari va betakror ta’mlarini targ‘ib qilishga xizmat qildi.
Ijtimoiy tarmoqlar:
