Toshkent davlat agrar universitetida O‘zbekiston Respublikasi davlat mustaqilligining 35 yilligi munosabati bilan tantanali bayram tadbiri ko‘tarinki ruhda bo‘lib o‘tdi.
Unda Qishloq xo‘jaligi vazirligi mas’ullari, TDAU professor-o‘qituvchilari, xodimlari, talabalari hamda faol yoshlar ishtirok etdi. Tadbir avvalida Mustaqillikning xalqimiz hayotidagi beqiyos o‘rni, mamlakatimizning 35 yillik taraqqiyot yo‘li, tinchlik va osoyishtalikning qadr-qimmati, shuningdek, Yangi O‘zbekistonni barpo etish yo‘lidagi bunyodkorlik ishlari haqida so‘z yuritildi.
Bayram davomida Vatanimiz mustaqilligi, ona yurtga muhabbat va milliy qadriyatlarni tarannum etuvchi badiiy chiqishlar, sahna ko‘rinishlari, kuy-qo‘shiqlar hamda turli tomoshalar namoyish etilib, ishtirokchilarga ko‘tarinki kayfiyat ulashdi.
Tadbirning musiqiy qismida universitetning “Bo‘ston” ansambli tomonidan ijro etilgan kuy-qo‘shiqlar yig‘ilganlarga bayramona zavq bag‘ishladi. Tantanali tadbirning yakuniy qismi esa taniqli san’atkor Yodgor Mirzajonovning chiqishlariga ulanib, bayram ishtirokchilariga unutilmas taassurotlar ulashdi.
🇺🇿 Yurtimiz tinch, xalqimiz farovon, mustaqilligimiz abadiy bo‘lsin!g
Ijtimoiy tarmoqlar:
