Bugun Toshkent davlat agrar universitetida ijtimoiy profilaktika tizimini tubdan takomillashtirish hamda oliygoh va mahalla hamkorligini kuchaytirishga qaratilgan o‘quv seminari tashkil etildi.
Mazkur tadbir O‘zbekiston Respublikasi Prezidentining 2026-yil 5-yanvardagi PQ-1-sonli hamda PQ-2-sonli qarorlarida belgilangan ustuvor vazifalar — ijtimoiy profilaktika samaradorligini oshirish, oila-turmush munosabatlari doirasidagi muammolarni bartaraf etish hamda xotin-qizlar va yoshlar o‘rtasida jinoyatchilikning asl omillarini ilmiy yondashuvlar asosida tahlil qilish ijrosini ta’minlash maqsadida o‘tkazildi.
O‘quv mashg‘ulotida universitet mas’ullari, mahalla faollari va huquq-tartibot organlari vakillari ham faol ishtirok etishdi.
Seminar davomida Prezident qarorlarining tub mazmun-mohiyati atroflicha o‘rganildi. Ayniqsa, yoshlar va xotin-qizlar o‘rtasida huquqbuzarliklarning oldini olishda quruq pand-nasihatdan voz kechib, muammolarga ilmiy va psixologik yondashuvlar asosida yechim topish zarurligi ta’kidlandi.
Ijtimoiy tarmoqlar:
