Toshkent davlat agrar universiteti rektori N. Oblomuradov Xalqaro oziq-ovqat siyosati tadqiqot instituti (IFPRI)da bo’lib, qishloq xo‘jaligi siyosati va oziq-ovqat xavfsizligi yo‘nalishlarida hamkorlikni rivojlantirish masalalarini muhokama qildi.

Uchrashuv davomida oziq-ovqat xavfsizligi va qishloq xo‘jaligi siyosatini tahlil qilish bo‘yicha qo‘shma ilmiy tadqiqotlarni yo‘lga qo‘yish, universitetimiz olimlarining IFPRI loyihalarida ishtirokini kengaytirish, shuningdek IFPRIning analitik platformalari asosida ilmiy asoslangan siyosiy tavsiyalar ishlab chiqish imkoniyatlari atroflicha ko‘rib chiqildi. Tomonlar Toshkent davlat agrar universiteti mutaxassislarining siyosiy tahlil bo‘yicha salohiyatini oshirish, IFPRIning statistika bazasi va tadqiqot instrumentlaridan manfaatli foydalanish hamda oziq-ovqat xavfsizligi ko‘rsatkichlari bo‘yicha qo‘shma monitoring tizimini yo‘lga qo‘yish masalalarida ham fikr almashdilar. Shuningdek, uchrashuvda universitetimiz professor-o‘qituvchilari va tadqiqotchilari uchun treninglar, seminarlar va malaka oshirish dasturlarini tashkil etish bo‘yicha kelajakdagi hamkorlik imkoniyatlari muhokama qilindi.