Toshkent davlat agrar universiteti talaba-yoshlari o‘rtasida kitobxonlik madaniyatini keng targ‘ib qilish va ularning ma’naviy dunyoqarashini boyitish maqsadida fakultet tyutorlari boshchiligida ommaviy tashriflar tashkil etildi. Xususan, Agroiqtisodiyot, logistika va xizmatlar fakulteti tyutori G.Xalikulova hamda Zooinjeneriya, O‘rmon xo‘jaligi va landshaft dizayn fakultetlari tyutorlari R.Karimkulova va Z.Galayevalar tashabbusi bilan kitobsevar yoshlar Yoshlar ishlari agentligi tomonidan barpo etilgan zamonaviy “Tirik kitob” do‘konida mehmon bo‘lishdi.
Mazkur ziyo maskani taniqli kitobxon Xayrulla Asatov uchun maxsus loyiha asosida qurilgan bo‘lib, agentlik tomonidan do‘kon fondini boyitish maqsadida 2000 dona sara asarlar sovg‘a qilingan.
Talabalar Xayrulla Asatov bilan samimiy suhbat qurib, o‘zlarini qiziqtirgan savollarga javob olishdi hamda mutolaa zavqi, kitobning inson hayotidagi o‘rni haqida fikr almashishdi.
Ijtimoiy tarmoqlar:
