Toshkent davlat agrar universitetida Eron Islom Respublikasining Ozod Islom universiteti Guliston viloyati filiali rektori Sayyed Ali Tohiriy boshchiligidagi delegatsiya bilan uchrashuv bo‘lib o‘tdi.
Uchrashuvda tomonlar o‘zaro manfaatli hamkorlik yo‘nalishlarini muhokama qildilar. Xususan, professor-o‘qituvchilar uchun malaka oshirish dasturlarini tashkil etish, har ikkala universitetdan 10 nafardan talabalar almashinuv dasturlarini yo‘lga qo‘yish, qo‘shma ilmiy-tadqiqot loyihalarini amalga oshirish, xalqaro ilmiy-amaliy konferensiyalar va seminarlarni o‘tkazish, shuningdek, hamkorlikda ilmiy maqolalar chop etish masalalarida kelishuvlarga erishildi.
Uchrashuv yakunida Toshkent davlat agrar universiteti va Eron Islom Respublikasining “Ozod Islom Universiteti” o‘rtasida Anglashuv memorandumi imzolandi.
Mazkur memorandum ikki mamlakat ta’lim muassasalari o‘rtasidagi ilmiy-tadqiqot hamkorligini yanada mustahkamlash, zamonaviy ta’lim texnologiyalarini joriy etish va yosh olimlar salohiyatini rivojlantirish yo‘lida muhim qadam bo‘ldi.
Ijtimoiy tarmoqlar:
Shuningdek o'qing
