Toshkent davlat agrar universiteti Zooinjeneriya fakultetida dekan o‘rinbosari I. Toshtemirov hamda tyutorlar boshchiligida “Buyuk ajdodlar yodi” shiori ostida ma’naviy-ma’rifiy tadbir tashkil etildi. Mazkur tadbir buyuk mutafakkir Alisher Navoiy tavalludining 585 yilligiga bag‘ishlangan “Navoiy – millat g‘ururi, ma’naviyat sarchashmasi” hamda ulug‘ sarkarda va shoir Zahiriddin Muhammad Bobur tavalludining 543 yilligiga bag‘ishlangan “Bobur izdoshlari mushoirasi” doirasida o‘tkazildi.
Tadbirda iqtidorli talaba-yoshlar, yosh kitobxonlar hamda ona tili va adabiyot fani o‘qituvchilari ishtirok etdi. Professor-o‘qituvchilar M. Nurutdinova va M. Qasimovalar buyuk ajdodlarimizning hayoti va ijodi haqida fikr-mulohazalar bildirdilar.
Shuningdek, Navoiy va Bobur ijodidan namunalar o‘qildi, sahna ko‘rinishlari namoyish etildi. Faol ishtirok etgan talabalar tashakkurnomalar bilan taqdirlandilar.
Ijtimoiy tarmoqlar:
Shuningdek o'qing
