Tadbir davomida universitetning “Bo‘ston” ashula va raqs ansambli yoshlari tomonidan tomoshabinlarga milliy kuy-qo‘shiqlar namoyish etildi. Jumladan, “Choyxona”, “Tojikcha duet”, “Bolo-bolo”, “Popuri”, “Lazgi” kabi ijodiy chiqishlar ishtirokchilarga katta bayramona kayfiyat ulashdi. Madaniy tadbir seminar ishtirokchilarida iliq taassurot qoldirdi. O‘zbekiston agrosanoat majmui xodimlari kasaba uyushmasining hududiy tuman va shahar Kengashlari rahbarlari hamda mas’ul xodimlari Toshkent davlat agrar universitetida yaratilgan sharoitlar, talaba-yoshlar bilan ishlash tizimi va ma’naviy-ma’rifiy faoliyat yuqori saviyada yo‘lga qo‘yilganini alohida e’tirof etib, iliq fikr-mulohazalar bildirdilar.
Shuningdek, mazkur uchrashuv TDAU va O‘zbekiston agrosanoat majmui xodimlari kasaba uyushmasi o‘rtasidagi hamkorlik aloqalarini yanada mustahkamlash, kelgusida qo‘shma tadbirlar va loyihalarni amalga oshirish uchun muhim maydon bo‘lib xizmat qilishi ta’kidlandi. Bayramona ruhda o‘tgan tadbir ishtirokchilarga ko‘tarinki kayfiyat bag‘ishlab, yuqori saviyada yakunlandi.
Ijtimoiy tarmoqlar:
Shuningdek o'qing
