Toshkent davlat agrar universitetida Polshaning qishloq xo‘jaligi sohasi bo‘yicha yetakchi tashkilot va ta’lim muassasalari vakillaridan iborat delegatsiya bilan uchrashuv o‘tkazildi. Uchrashuvda Green Crops kompaniyasi, Krakov Qishloq xo‘jaligi universiteti, Xalqaro Qishloq Xo‘jaligi Universiteti hamda O‘zbekistonning agrar oliy ta'lim muassasalari vakillari ishtirok etdi. Suhbat davomida 2025-yilda Toshkent davlat agrar universiteti talabalari uchun Green Crops kompaniyasida tashkil etilgan amaliyot dasturining natijalari ko‘rib chiqildi. Amaliyotning samaradorligi, talabalar malakasini oshirishga qo‘shgan hissasi, ishlab chiqarish jarayonlari bilan bevosita tanishish imkoniyatlari alohida ta’kidlandi. Shuningdek, tomonlar 2026-yilda Toshkent davlat agrar universiteti talabalari uchun Polshada amaliyot dasturlarini kengaytirish, qabul kvotalarini oshirish, o‘quv va ishlab chiqarish amaliyotini yanada takomillashtirish bo‘yicha kelgusidagi hamkorlik yo‘nalishlarini muhokama qildilar.
Uchrashuv yakunida o‘zaro tajriba almashish, qo‘shma loyihalarni rivojlantirish va talabalar amaliyotini tizimli davom ettirish bo‘yicha kelishuvlarga erishildi.
Ijtimoiy tarmoqlar:
