Toshkent davlat agrar universitetida Qo‘shma ta’lim dasturlari fakulteti mutasaddilari tomonidan universitet bitiruvchi talabalari bilan qo‘shma ta’lim dasturlarini keng targ‘ib etish maqsadida uchrashuvlar tashkil etilmoqda

2026/2027-o‘quv yili uchun Qo‘shma ta’lim dasturlari fakultetiga qabul jarayonlariga talabalarni keng jalb etish maqsadida universitetning bitiruvchi kurs talabalari bilan uchrashuvlar tashkil etilmoqda. Mazkur uchrashuvlar Qo‘shma ta’lim dasturlari fakulteti dekani F. Yakubov hamda fakultet mutaxassislari ishtirokida o‘tkazilib, unda fakultet faoliyati, mavjud ta’lim yo‘nalishlari, o‘qish shart-sharoitlari hamda qabul jarayoniga oid asosiy talablar yuzasidan batafsil ma’lumotlar berildi.Uchrashuvlar ochiq muloqot tarzida tashkil etilib, talabalarni qiziqtirgan savollarga mutaxassislar tomonidan atroflicha javoblar berildi. Shuningdek, talabalarning fikr va takliflari o‘rganildi.