Toshkent davlat agrar universiteti Xorijiy tillar kafedrasida Xitoy Respublikasining Wenchjou Fan va texnologiya kasb-hunar kolleji professor-o‘qituvchilari ishtirokida ilmiy-amaliy seminar-trening bo‘lib o‘tdi. Mazkur uchrashuv yangi o‘quv yili boshlanishi arafasida o‘tkazilib, unda xorijiy mutaxassislar tomonidan innovatsion-pedagogik texnologiyalar hamda zamonaviy axborot texnologiyalaridan ta’lim jarayonida samarali foydalanish masalalari yoritib berildi. Seminar davomida professor-o‘qituvchilar ilg‘or xorijiy tajribalardan namunalar keltirib, ta’lim sifatini oshirishda qo‘llanilayotgan interfaol usullar, raqamli ta’lim platformalari, hamda multimediya vositalari imkoniyatlarini taqdim etdilar.
Shuningdek, tadbirda kafedra professor-o‘qituvchilari ham o‘z fikr-mulohazalarini bildirib, ikki tomonlama hamkorlikni yanada rivojlantirish, o‘zaro ilmiy-metodik almashinuvni kuchaytirish masalalari muhokama qilindi.
Ijtimoiy tarmoqlar:
Shuningdek o'qing
