Toshkent davlat agrar universiteti professor-o‘qituvchilari hamda talabalari uchun xorijiy oliy ta’lim muassasalari bilan malaka oshirish, tajriba almashish imkoniyatlari kengaymoqda. Shu bilan birga, nufuzli xorijiy universitet va ilmiy-tadqiqot institutlari olimlari ishtirokida mahorat darslari, ilmiy seminar va uchrashuvlar muntazam tashkil etilmoqda.
Shu jumladan, Xitoy Xalq Respublikasining Anxuy qishloq xo‘jaligi universiteti bilan hamkorlik ham izchil rivojlanib bormoqda. Ushbu hamkorlik doirasida Anxuy qishloq xo‘jaligi universiteti Agronomiya fakultetining O‘simliklar genetikasi, seleksiyasi va urug‘chiligi kafedrasi professori Li Zhikang tomonidan Toshkent davlat agrar universitetining Qishloq xo‘jalik ekinlari genetikasi, seleksiyasi va urug‘chiligi kafedrasida “Yuqori hosildor sholi navlari: konsepsiya, tadqiqot yutuqlari va istiqbollari” mavzusida mahorat darsi ma’ruza o‘tkazildi. Ma’ruza davomida faol savol-javoblar, ilmiy fikr almashuvlar bo‘lib o‘tdi va mashg‘ulot ishtirokchilarda katta taassurot qoldirdi.
Ijtimoiy tarmoqlar:
Shuningdek o'qing
