Toshkent davlat agrar universitetining 95 yillik faoliyati munosabati bilan yaratilgan “Zamin bilan tutash taqdirlar” asari fakultetlar kesimida talabalarga tanishtirilmoqda. Taqdimot jarayonlarida fakultet dekanlari, dekan o‘rinbosarlari, tyutorlar, yoshlar yetakchilari hamda professor-o‘qituvchilar ishtirok etdi. Uchrashuvlarda universitet tarixining shakllanish jarayoni, agrar ta’lim rivoji, buyuk olimlar faoliyati, hozirgi oltin avlod vakillari va yoshlarga qoldirilgan ma’naviy meros haqida so‘z yuritildi.
Tadbir davomida professor-o‘qituvchilar yoshlarni ilmiy izlanishga, fidoyilik va vatanparvarlikka, kelajakni yaratishda mas’uliyatli bo‘lishga chaqirdilar. Talabalar esa asarda aks etgan tarixiy jarayonlar, universitetning bugungi taraqqiyoti va kelajak strategiyasi bo‘yicha o‘zlarini qiziqtirgan savollarga javob olishdi.
Ijtimoiy tarmoqlar:
Shuningdek o'qing
