XALQARO FORUM DOIRASIDA QISHLOQ XO‘JALIGI MAHSULOTLARI VA ISHLAB CHIQARISH KO‘RGAZMALARI NAMOYISH ETILMOQDA!

Toshkent davlat agrar universitetida davom etayotgan nufuzli xalqaro ilmiy-amaliy forum doirasida keng ko‘lamli ko‘rgazma tashkil etildi.
Mazkur ko‘rgazmada Toshkent davlat agrar universiteti, O‘zbekiston Respublikasi Qishloq xo‘jaligi vazirligi tizimidagi tashkilotlar, Uyg’ur avtonom rayoni qishloq xo‘jaligi fanlari akademiyasi, shuningdek, Xitoy Xalq Respublikasining 20 dan ortiq yirik ishlab chiqarish korxonalari o‘z innovatsion mahsulotlarini taqdim etmoqda.
Ko‘rgazma doirasida Qishloq xo‘jaligi sohasida zamonaviy texnika va texnologiyalar, Innovatsion o‘g‘itlar va yuqori sifatli urug‘lar, Oziq-ovqat xavfsizligini ta’minlovchi ilg‘or ishlanmalar, Ekologik toza va eksportbop mahsulotlar keng namoyish qilinmoqda.
Ushbu ko‘rgazma xalqaro tajriba almashinuvi uchun samarali maydon bo‘lib xizmat qilmoqda hamda O‘zbekiston agrar sohasida ilm, innovatsiya va ishlab chiqarish integratsiyasini yangi bosqichga olib chiqmoqda.
Forum yangiliklarini biz bilan kuzatib boring!