Toshkent davlat agrar universitetining 95 yilligi munosabati bilan zamonaviy “RENESSANS” ma’ruza zallari majmuasining tantanali ochilish marosimi bo‘lib o‘tdi. Tadbirni universitet rektori, professor N. Oblomuradov kirish so‘zi bilan ochdi. O‘z nutqida u “RENESSANS” majmuasi nafaqat ilm maskanining infratuzilmasini boyitishini, balki talabalarning intellektual salohiyatini yuksaltirish hamda innovatsion g‘oyalarni amaliyotga tatbiq etishda yangi imkoniyatlar yaratishini ta’kidladi.
Shundan so‘ng, Rossiya davlat agrar universiteti – K.A. Timiryazev nomidagi Moskva qishloq xo‘jaligi akademiyasi rektori, akademik Vladimir Ivanovich Truxachev hamda Qozog‘iston qishloq xo‘jaligi fanlari milliy akademiyasi prezidenti T.Yesbolovlar so‘zga chiqib, o‘z samimiy tilaklarini bildirdi. Tadbirda xorijiy mehmonlar, professor-o‘qituvchilar hamda talaba yoshlar ishtirok etishdi.
Ijtimoiy tarmoqlar:
Shuningdek o'qing
