Toshkent davlat agrar universitetining mutaxassis va iqtidorli talabalaridan iborat delegatsiyasi ayni kunlarda Xitoyning nufuzli Northwest A&F universitetida tashkil etilgan navbatdagi "Yozgi ilmiy lager" (Summer Science Camp) dasturida faol ishtirok etmoqda.
Mazkur ilmiy safar doirasida talabalarimiz universitetning zamonaviy laboratoriya majmualari, innovatsion ta’lim yo‘nalishlari va keng ko‘lamli ilmiy infratuzilmasi bilan yaqindan tanishmoqdalar.
Ikki oliy ta’lim muassasasi o‘rtasidagi strategik aloqalar yildan-yilga mustahkamlanib, qo‘shma ta’lim dasturlari hamda birgalikdagi ilmiy loyihalar orqali o‘zining amaliy natijalarini ko‘rsatmoqda.
Oldinda turgan dasturlar davomida talabalarimiz uchun yangi ilmiy tashabbuslar shakllanishi va xalqaro maydonda o‘z bilimlarini sinovdan o‘tkazish uchun yanada keng imkoniyatlar yaratilishi kutilmoqda.
Ijtimoiy tarmoqlar:
