“Xalqaro yer kuni” munosabati hamda “O‘zdavyerloyiha” davlat ilmiy loyihalash instituti tashkil etilganining 65 yilligi doirasida poytaxtimizda “Qishloq xo‘jaligida yer resurslarini barqaror boshqarishda axborot tizimlarining o‘rni” mavzusida nufuzli xalqaro ilmiy-amaliy konferensiya bo‘lib o‘tdi. Mazkur anjumanda Toshkent davlat agrar universitetining Agrokimyo va tuproqshunoslik kafedrasi professori D.A.Qodirova o‘zining ko‘p yillik samarali ilmiy-pedagogik faoliyati hamda soha rivojiga qo‘shgan salmoqli hissasi uchun O‘zbekiston Respublikasi Qishloq xo‘jaligi vaziri tomonidan Tashakkurnoma bilan taqdirlandi.
Konferensiya davomida mutaxassislar va olimlar tomonidan bugungi kunda yer resurslarini asrash, degradatsiyaga qarshi kurashish hamda unumdor yer maydonlarini kengaytirish masalalari davlat agrar siyosatining eng muhim ustuvor yo‘nalishlaridan biri ekani alohida ta’kidlandi.
Ijtimoiy tarmoqlar:
