Toshkent davlat agrar universitetida 2024-2025-o‘quv yili bitiruvchilari uchun bitiruv malakaviy ishlarini himoya qilish jarayoni boshlandi. Ushbu jarayonda universitet miqyosida jami 21 nafar magistr hamda 2557 nafar bakalavriat bosqichi talabalari o‘z ilmiy izlanishlarini taqdim etmoqda. Bitiruvchilarning 1158 nafari kunduzgi, 1399 nafari esa sirtqi ta’lim shaklida tahsil olgan talabalar hisoblanadi. Ulardan har biri o‘z yo‘nalishi bo‘yicha dolzarb mavzularni qamrab olgan ilmiy ishlari ustida izchil mehnat qilgan. Himoyalar davomida talabalar zamonaviy texnologiyalardan foydalangan holda, taqdimotlar orqali o‘z tadqiqotlarining maqsadi, natijalari va amaliy ahamiyatini batafsil tushuntirib bermoqda. Himoya jarayonlari shaffof tarzda, savol-javoblar orqali ótkazilmoqda.
Bitiruvchi talabalarimizga kelgusi hayot yóllarida muvaffaqqiyatlar tilab qolamiz!
Ijtimoiy tarmoqlar:
