Toshkent davlat agrar universitetida Yoshlar bilan ishlash, ma’naviyat va ma’rifat boshqarmasi tashabbusi bilan professor-o’qituvchilar, ishchi xodimlar va talaba yoshlar uchun kitob yarmarkasi tashkil etildi.

Yarmarka “O‘zbekiston” nashriyoti tomonidan o‘tkazilib, unda turli yo‘nalishlardagi qiziqarli, foydali va ilmiy adabiyotlar keng tanlovda taqdim etildi. Tadbir davomida talabalar o‘zlarini qiziqtirgan kitoblarni qulay narxlarda xarid qilish, yangi nashrlar bilan tanishish va kitobxonlik madaniyatini yanada rivojlantirish imkoniga ega bo‘ldilar. Bunday tadbirlar yoshlarning ma’naviy dunyosini boyitish, bilimga bo‘lgan qiziqishini oshirish va o‘qishga mehr uyg‘otishda muhim ahamiyat kasb etadi.