Toshkent davlat agrar universiteti tashabbusi bilan yoshlarning vaqtini ta’til davomida samarali o’tishini ta’minlash, ularning iqtidorlarini yuzaga chiqarish maqsadlarida ko’plab loyihalar amalga oshirilmoqda. Ayni vaqtda faoliyat olib borayotgan “Yosh dasturchi-2025” yozgi maktablari yuqoridagi fikrimizning tasdig’i bo’la oladi. Qisqa vaqt ichida yoshlarning vaqtini mazmunli tashkil etish va ularga yangi bilim-ko’nikmalarni o’rgatish maqsadida mazkur maktab tarbiyalanuvchilari bilan ko’plab o’quv mashg’ulotlari, seminar-treninglar olib borilmoqda.
Ushbu saboqlar o’z o’rnida yoshlarning kelgusida dasturlash va axborot xavfsizligi sohalari bo’yicha yetuk mutaxassis bo’lishlariga yordam beradi.
